جد و حب و ضحك و لعب


* من المؤسف حقاً أن تبحث عن الصدق، في عصر الخيانة و تبحث عن الحب .. في قلوب جبانة
 
الرئيسيةاليوميةالبوابةبحـثالتسجيلدخول

شاطر | 
 

 فن التربية

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
nader
Admin
avatar

عدد المساهمات : 383
السٌّمعَة : 3
تاريخ التسجيل : 08/12/2010
العمر : 28
الموقع : القاهرة

مُساهمةموضوع: فن التربية   الخميس ديسمبر 16, 2010 9:31 pm

للأسف بنعمل اخطاء كتيره جدا

فالتعامل مع اطفالنا

وفالاخر نلومهم هما

الاطفال محتاجه فن فالتربيه والتعامل معاهم

من اول يوم يتولدوا فيه

بس اهم حاجه نتبع الخطوات دى بالتدريج

ومنسبقش عمر اطفالنا بخطوات غلط

واللى فاتها حاجه هتبدا معانا من النهارده

فتغيير معاملتها لطفلها

لحد ما يتعدل ويبقا زى الفل معاها باذن الله

الاطفال من عمر يوم لحد اربعين يوم

ايوه من عمر يوم

متستهونيش بطفلك ابدا

ده عباره عن صفحه بيضا

بيتعلم منك كل حاجه ومن الى حواليه

بس خصوصا منك انتى

واول حاجه الطفل بيتعلمها غلط منك هى العصبيه

ونرجع نقول ابنى عصبى ابنى عندى

من اول يوم لازم تعودى طفلك على التنظيم فكل حاجه

نبدأ من الرضاعه

الى هتكون كل ساعتين

ودى ليها فوايد نفسيه وصحيه للطفل وليكى

وكمان تنظيم النوم

الى بيبدأ من اول يوم مش من بعد شهور زى ما

اغلب الامهات بيعتقدوا

الطفل بيتولد مش عارف اى حاجه

انتى هتعوديه على كل حاجه

يعنى مش عارف الفرق بين الليل والنهار

ومش عارف اى مواعيد

والخطأ الى بتقع فيه اى ام

انها تفضل سهرانه و فاتحه النور

واحيانا التلفزيون عشان تتسلى

لحد ما ابنها ينام وهى تنام بعده

وطبعا بمجرد مرور ربع ساعه ويمكن اقل

الطفل بيحس بهدوء فجأه فبيصحى

وينام الصبح فالدوشه

وده نتيجه انك علمتيه كده من غير قصد

الحل هيكون كالتالى

انك تعرفى طفلك الفرق بين الليل والنهار

يعنى فالنهار اعملى دوشه عادى وخدى راحتك

فاى صوت حتى لو هو نايم

والليل

تقفلى الانوار والتلفزيون وبس يكون فى سهاره

تخليكى تتابعيه

وصدقينى على الاربعين ويمكن قبله هيكون طفلك

بينام باليل معاكى وبيصحى الصبح معاكى

وهيتعود ينام فالهدوء ويصحى فالدوشه مش العكس

خلال فتره الاربعين يوم الاولى

لازم تتعاملى مع طفلك بكل هدوء

وبراحه نفسيه توصليه ليها دايما عشان يطلع هادى

يعنى تغيريله البامبرز فهدوء مش بعصبيه

ولو بتحميه ياريت اغنيه هاديه للاطفال بصوت هادى

علمى طفلك الهدوء منك انتى

ودى اول اصول التربيه للاطفال من اول يوم

طفلك من الاربعين الى ال 7 شهور

الطفل عاده فالفتره دى

بيكون مش بيتحرك

يادوب ممكن يقعد على 5 شهور

لكن بيحبى من السبع شهور ويمكن بعد

حسب كل طفل

الفتره دى لازم تعرفى ان طفلك بيلعب وبس

ووقت الاكل لازم يكون الاكل بهدوء برضه

ولو طفلك رفض الاكل

ممكن جدا يكون رافض نوع الاكل مش كل الاكل

غيرى نوع الاكل وهتلاقيه تقبله

لحد السبع شهور طفلك هيكون منتظم فنومه

لانك اتبعتى اسلوب جيد فالاول

هيتسمر عليه طبعا

فهتكونى مرتاحه

وطبعا لازم تكلميه كتير من اول يوم

لانه على الاربع شهور ممكن يقول بابا وماما

وعلى السبع شهور هيقول قطه

وهتلاقى كلام بيتقال مش مفهوم

طفلك من عمر السبع شهور الى عمر السنه

المرحله دى بتكون بدايه الصعوبات مع الطفل

لانه هيحبى

وهينتشر فالشقه بشكل جيد جدا

ويكتشف حاجات ميعرفهاش

ويحط ايده فالكهرباء

ويفتح ادراج المطبخ

وكل ده اكتشاف

طبعا لان الطفل ميعرفش الغلط والصح

لازم لازم

انتى تعلميه الغلط ايه بالراحه

يعنى تقوليلو ده (لا)

ولو كررها تانى تانى يوم

فبرضه هتقوليلو ده (لا)

بنفس اسلوب امبارح

وهنا فى حاجه مهمه الفت نظر الام ليها

ان الطفل بطبعه نسااااى

بينسى ايه اتقال عليه لا

فلازم تحفظيه الاول

كل مره تقولى لا تلات مرات هيكون عرف الغلط

ومش هيجي ناحيته تانى

وبنصح بعدم ضرب الطفل فالسن ده

ممكن تزعقى لو كرر الشئ اكتر من تلات مرات

لكن بلاش ضرب

وياريت لو اى حاجه موجوده فالشقه خايفه عليها

شيليها لحد ما يكبر

خليه ينطلق براحته فالبيت

بلاش حكايه انك سايبه كل حاجه وتعلميه ميمسكهاش

لان ده بيربى عنده عقده جواه

وممكن اوى فالفتره دى

تعوديه يقلع البامبرز

لان دى اسهل فتره ممكنه واحسن من اى وقت تانى

بس لو مقدرتيش يبقا لازم تستنى

لحد ما يتم السنتين

لان خلال السنه الاولى لحد التانيه

بتكون فتره عند طبيعيه عند الاطفال

الطفل من عمر السنه لحد السنتين

طبعا طفلك مستعد للمشى فاى وقت فالفتره دى

ومن هنا هنبدأ مع الطفل فحاجات كتير اوى

منها نكتشف هواياته

واللعب الى بيحبها

ونعرف ان الطفل فالعمر ده عندى

ولازم نتكلم معاه ونعمل حوار

ونعود الطفل انه يسمع كويس عشان يتعلم

وكل حاجه حلوه يعملها قصادها حاجه حلوه

هو بيفهم كويس

وعارف ان بابا هيدلع وماما بتولع

فيروح لبابا ويتدلع عليه اوى

ويروح لماما يستفزها اوى

لانه بيكون طفل زكى جدا فالعمر ده

طبعا بيواجه مشكلتين دلوقتى هيتعرض ليهم

خلال السنه دى

اول حاجه الفطام

وتانى حاجه البامبرز

حاولى متعمليش الاتنين فوقت متقارب

لان بيكون صدمه شديده عليه اوى

ابتعدى تماما انك تخوفى طفلك باى شئ

يعنى بلاش موضوع الحقنه

ولو مكلتش هجيبلك العسكرى

بلاش تخويف باى حاجه مهما كانت هايفه

لان ده بيربى الطفل على عدم ثقه فيكى بعد كده

وكمان بيربى جواه عقده من حاجات انتى فغنى عنها

وقاعده هامه فالتعامل مع طفلك

بلاش قاعده نحاسب من غير مانعلم

لازم نعلم الطفل الاول

مره ومرتين وتلاته قبل ما نحاسبه على اخطائه


_________________
[c
enter][center]
كتبت و قد ايقنت يوم كتابتى .بان يدى تفنى و يبقى كتابها
فان كتبت خيرا ساجزى بمثله .
و ان كتبت شرا فعليا يوم حسابها..


[/center][/center]
الرجوع الى أعلى الصفحة اذهب الى الأسفل
gege mosa
سيدة المنتدى الاولى
سيدة المنتدى الاولى
avatar

عدد المساهمات : 657
السٌّمعَة : 3
تاريخ التسجيل : 09/12/2010
العمر : 37

مُساهمةموضوع: رد: فن التربية   السبت ديسمبر 18, 2010 8:09 am

وعارف ان بابا هيدلع وماما بتولع
ههههههههههههههههههههههههههههههههه حلوة منك بس اسالنى انا الثلاث شهور الاولى ما فيش نوم نهائى بالليل ولونام ساعة بس كدة وخلاص وبقيت الليل صاحى دة بيكون نهارة ليل وليلة نهار وبيخلف اسبوع اسبوع
بمعنى اسبوع ينام زينا واسبوع لاء

احنا مجربين عن تجربة والله
الرجوع الى أعلى الصفحة اذهب الى الأسفل
nader
Admin
avatar

عدد المساهمات : 383
السٌّمعَة : 3
تاريخ التسجيل : 08/12/2010
العمر : 28
الموقع : القاهرة

مُساهمةموضوع: رد: فن التربية   السبت ديسمبر 18, 2010 3:18 pm

احنا بس بنحاول نشوف انيب الترب بس هو ليه دايما ماما بتولع

_________________
[c
enter][center]
كتبت و قد ايقنت يوم كتابتى .بان يدى تفنى و يبقى كتابها
فان كتبت خيرا ساجزى بمثله .
و ان كتبت شرا فعليا يوم حسابها..


[/center][/center]
الرجوع الى أعلى الصفحة اذهب الى الأسفل
gege mosa
سيدة المنتدى الاولى
سيدة المنتدى الاولى
avatar

عدد المساهمات : 657
السٌّمعَة : 3
تاريخ التسجيل : 09/12/2010
العمر : 37

مُساهمةموضوع: رد: فن التربية   الثلاثاء يناير 04, 2011 12:38 am

علشان بابا بيكون مطنش هههههههههههههههههههههههههههههههههههههه
الرجوع الى أعلى الصفحة اذهب الى الأسفل
 
فن التربية
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
جد و حب و ضحك و لعب :: قسم الطفل-
انتقل الى: