لو كنت امير ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

لو كنت أمير
من أمراء الحواديت
كنت ادى لكل فقير وفقيرة بيت
بيت بجنينة مليانة زهور
وبعشة مليانة كتاكيت
وأعلّق فوقه قمر بنور
ونجوم لولى... فتافيت فتافيت
لوكنت أمير
من أمراء الحواديت
كنت ادى لـ... وزرائى محاريت
علشان يشتغلوا بايديهم ويشوفوا ازاى
الأرض السمرا لما نحرتها كدة رايح جاى
بتطلع غلّة وبن وقطن وضل وشاى
وتطلع غاب نعمل منه الأرغول والناى
لو كنت أمير
من أمراء الحواديت
كنت أدّى لكل الأطفال الحلوين ألعاب
قطر بقضبان..فرشة ألوان.. مية أو زيت
وابنيلهم قصر على المالح من غير أبواب
قصر بقبة لولى وقبة مرجان
وأعلّق عالقبة أجراس
فضة ومرمر ودهب ونحاس
لكن قبل ده كلّه لو كنت أمير
من أمراء الحواديت
كنت ادّى لكل الناس
وردة وكتاب
وردة وكتاب
وكمان قبل ده كلّه
قبل ده كلّه
لو كنت أمير
من أمراء الحواديت
كنت أرفرف زى النسمة وادخل فى الحلق
وأقطّع نص السنة الخلق
نص اللى مابيقولش الحق
علشان يتعلمه
امتى يقولوا أيوة
وامتى لأ
ده لوكنت أمير
من أمراء الحواديت


سيد حجاب

ياريد كنت اميرا ما كان اللى معى ليس لى وعلى فكره يا جوجه كنت اعملك كل حاجه من الورد (البيت من الورد .عربيه من الورد)
كل ماتتخيليه اعملهولك من الورد ولكن للاسف انا امير غلبان اتحرمت من الميراث هههههههه
ههههههههه

ههههههههههههههههههههههههههههههههههههههههههههههههههههههه

ربنا يخليك يااحمد بجد انتة زوق بجد وانسان جميل


يااااااااااااااااة للدرجادى بس انا مش عاوزة اى حاجة غير انك تكون اخوية وصديقى ومنين اكون محتاجة لية الاقية جنبى ويسال علية ويواسينى ويطمن علية

دة عندى بالدنيا كلها

ديه حاجه بسيطه لاعز واغلى اخت فى الدنيا وربنا يخليكى ليا

بجد انتة بتحرجنى بذوقك دة

ميرسى ليك بجد يا احلى اخ فى الدنيا