ابيات شعر وقصايد

ياصاحبي الدنيا حكايات وعلوم=قصص عجيبه تذهل الي قراه
الدنيا لو تضحك معك دايم الدوم=خلك فطين ولايهمك رضاه
كم واحد تبني له امال وحلوم=يفنى وغيره يهتني في بناه
ياما أفرحت قوم وأحزنت قوم=وكم أعشقت عين وخانت غلاها
ياصاحبي شفت امس شف حالنا اليوم=دنيا تقلب يكفي الله بلاها
اليوم لامنه بغت عيني النوم=تنكدت روحي وعافت كراها
ماكل من علا بالأصوات مفهوم=وماكل روح تلتقي في مناها
وماكل من يشكي معذب ومحروم=وماكل من يضحك همومه نساها
بحر الحياه ان صرت ماتعرف العوم=يرميك في غبهبعيده مداها
من راح يستسلم من أحزان وهموم=يموت حي وحاجته ماقضاها
واجه هبوب الوقت بأيمان وعزوم=لابد ماربك يهدي هواها
__________________________________

الجادل اللي شفتها مابين رف وبين باب=آحد فيها نظرتي والبدر كنه دونها
حققتها من قبل تلمحني مثل ضوح السراب=ياويل قلبي يوم شلتني برمش عيونها
بس الوكاد انها العنوداللي تجرعني العذاب=تجرح ولا تدري وترخي في حشاي طعونها
ليكلمتني كنه يغشاني ويمطرني السحاب=وان اضحكتلي حينها سلمتها بيكونها
كمل وزين خلقها من كمل ايات الكتاب =كل الحلا وصف الجميله والسحر مضمونه
ياليتها تدري بمن شيب وهو توه شباب=ماكان ذقت اتعس ليالي العمر لكونها
اما تقول ارحب على ماطاك ياعز الصحاب=واسميتها بالعامريه واستمي مجنونها
ولاتقول العذر وآشلع مشاليع العقاب=لما نفض ريشه وجنحانه كفخ بركونها
وآروح واسال وآتنبا ياعساي القى جواب=>ش<اخبارها ياللي تزورون البلد وشلونه

____________________________________

المدح لامن قيل في رجل يقول ولايطول=كنه مسبه بطريقه راقيه ومهذبه

____________________________________

ليت الزمان يغربل الناس مثلي=حتى العرب تحتاج فزعة بعضها


____________________________________

وهاذي القصيده قالها شخص في ولد خال له توفى ولد خاله في بحر جدة بحادث وهو راكب الجت سكي الي هو دباب البحر الله يكفاكم شره وقايل القصيده يدرس في استراليا ولا جاه خبر وفاة ولد خاله الا متاخر فحزن عليه حزن شديد لن بينهم اكثر من الاخوان والشخص الي متوفي اخوي الله يرحمه ويسكنه فسيح جناته وعز الله انه فقيدة........................

أونست كن في خفايا القلب شبابي=شباب ضوآ يجز القلب بعروقه
ثور علي جرحي الي مابعد طابي=وناتي الي ترادف زادت فتوقه
ياهم يالي بناء في الجاش مرقابي=ماترحم الي جلبه الحزن في سوقه
ارخصتني بالسعر عن كل جلاابي=واصبحت أنا لك رهين صكو سبوقه
حالي كما حال عودآ ماله أقرابي=ماله عوال وحاله بينآ عوقه
يبدي الرضاء ويتجنب فتح الابوابي=ويكن من خوفة الشمات ونطوقه
وألا يتيما ترباء بين الاجنابي=كبدة من الجور والحقران محروقه
جداه لي صاح ثم ماحصل ايجابي=يبلع بريقه ودمع العين في موقه
يالابتي ياهلي ياجملة اصحابي=فقدت سبع يرد العلم ويحوقه
قرمآ نهار الملااقا ماهو يهابي=على علوم المراجل طبعه يسوفه
ينعاك يابحر جدة كل ماغاب=.نجمآ والااخر تبين وأضهر شروقه
خذيت فيصل وطاح الظرس والنابي=تكفى ابن خالي ندر من يطرق طروقه
ليته غدا في نهارآ فيه طلاابي=عجه تركز وباروده طما فوقه
كان القضاء والبدل ماعنه مجناب=.نارد بوظح النقاء مانرد بالبوقه

_________________________________

لي صاحب صب الخطايا في عروقي ثم ضاق=لين امتليت امن الجروح وضاق صدري مرتين
مره عشان اني خسرته وانكتب هم الفراق=ومره عشان انه طلع مقلب وشربته السنين
ويلاه ياحمل الهزيمه والغدر والاختناق=لاشاله صدر الصديق وعود الداين مدين
ويلاه ياويلاه ياويلاه حمل مايطاق=اليا اكتشفت ان الثمين المحترم ماهو ثمين
وانك ضحيه من ضحايا الصدق بيدين النفاق=وانك غبي ماتعرف اوصاف الهزيل من السمين
وان الصداقه نبت والوقت الردي راعي نياق=وان المبادي والعلوم الغانمه ماضي دفين
ياصاحبي حطمتني وانهالت الذكرى سياق=تهاوت صروح المحبه والغلاء في دمعتين

_________________________________

هذه حكم و الله قصيد حلوة كتيييييييييييير
دايما احمد بيبهرنا
تشكر